Рассказ о кантелистке на карельском в газете Oma Mua

Karjalan kieli on muagine

Moskovah rodivunnuh Marija Volkova jo ammui on kiinnostunnuh
Pohjazien mualoin rahvahien kul'tuurah da muuzikkah.
Riya Volkova -lavanimel inehmine soittau kandelehel da liiral,
opastau toiziigi soittamah eri soittimil. Ei muga ammui Marija
rubei opastumah karjalan kielen livvin murdeheh.

kirjutakkua
http://omamua.ru
– Olet rodivunnuh Moskovah,elät Zelenogradas.
Kuibo rodih kiinnostus karjalan kieleh da kul'tuurah?
– Olen mieldynyh Karjalah jo ammui, konzu rubein soudamah
jogiloi myöte. Minuu ylen äijäl miellytti Karjalan luondo:
sammalkallivot, jägälät, pedäjät...
Samal minä tutkin Pohjazen eläjien taboi da perindölöi da näin, ku meil on yhtehisty.
Sanommo, vepsäläzet käytettih guslil soitandutaboi, ven'alazet luodehes soitettih eri soittimil kandelehen meloudiedu. Karjalas käytettih ven'alazien starinoin s'užiettoi. Muga Karjal rodih
lähembi minule, minä rubein soittamah karjalaziigi pajoloi. Vie minun buabo kerdoi, ku meil on suomelazii juurii. Vikse veri kuččuu.
– Mindäh valličit livvin murdehen?
– Minä pajatan livvinkarjalazii pajoloi, sendäh piätin opastuo juuri tädä murrehtu. Omieldy myö segi, ku livvin murdehes on äijy ven'an kieles lainattuu sanua. Tuliel aigua tahtozin opastuo karjalan kielen
toizihgi murdehih.
– Mittuine on karjalan kieli sinun mieles?
– Karjalan kieli on ylen meloudine! Sil on äijy sonoristu konsonantua, vokualat sulavah "virratah" toine toizeh. Sidä meloudiedu hyvin kuuluu vahnois pajolois. Karjalan kieli on muagine. Konzu minä panin mustoh lugusanoi, rahvas duumaittih, ku minä sanon puhiedu. Karjalan
kieli kuuluu eriluaduzennu.
– Mittustu muuzikkua soitat?
– Nygöi soitan soittimel, kudai
on perindöllizen kandelehen
muodoine, se on gusli. Soitin on
vähäzel uvvistettu: arfan liversat
da enämbiä kieldy – 22. Sil
minä soitan karjalazien da setolazien
pajoloi. Sen ližäkse pajatangi
ven'alazii pajoloi. Tottu
sanuo, minä soitan kaikkie:keskiaigastu Päivänlasku-Jevroupan
muuzikkua, nygyaigastu
da perindöllisty muokattuu
ven'alastu muuzikkua. Minä
kirjutangi omii pajoloi ven'an
kielel.
– Opastat iče soittamah soittimil.
Mil da kusbo?
– Ruan Hvoja (Havu-stuudies,
kudai on sijoitannuhes
antikafeeh Moskovan
keskuččah, opastan läs viitty
vuottu. Opastan rahvastu
soittamah kandelehel da eriluaduzil
gusliloil, pajatammo
ven'alazii da skandinuavizii
pajoloi liiroin soitol. Stuudies
opastetah soittamah balalaikal,
jouhikol da tsimbalal. Jouhikol
soittau Aleksandr Dobrinin,
kudai soitti kuulužan muzikantan
Leo Sevetsanke.
– Kenbo sinuu opasti soittamah?
– Meil ei ole opastuslaitostu,
kus voibi opastuo perindöllizeh
soitandah. Sendäh minuu opastettih
sih rahvis, kudualoin pajoloi
folklouran tutkijat tallendettih
kamerah ekspeditsieloin
aigua 20-40 vuottu tagaperin.
Ei ammui tuttavuin suomelazeh
kandelehel soittajah Maija Kauhazeh,
konzu häi kävyi Moskovah– Yhtyt moizih muuzikkuprojektoih,
kui "KiviNiemi"
da "Runer i Lunden". Mittustu
muuzikkua soitatto?
– KiviNimi-joukos soitammo
da pajatammo ven'alazen
rahvahan pajoloi. Soitammo
muuzikkua nygyaigazeh tabah.
Basan da iškusoittimien avul
myö työnnämmö guslin da balalaikan
muuzikkua nygyaigazile
rahvahale. Sygyzyl myö kuvaimmo
Mhi da bolota (Sammalet
da suot) -videon Tverin
lähäl. Ylen hyvä video rodih, sit
paikas on čoma luondo. Videon
luadimizeh yhtyigi Mir guslei
(Gusliloin muailmu) -stuudi,
kuduas luajitah kandelehiigi.
KiviNiemi-joukon nimi on
otettu saamen kielespäi. Projektan
allus myö soitimmo skandinuavizii
pajoloi, nygöi jatkammo
sidä Runer i Lunden (Runoloi
lehtimečäs) -folkjoukos. Minä da
minun opastui Jelena Rodionova
soitammo vahnoi norvegielazii,
ruoččilazii da germuanilazii pajoloi
dai nygyaigazien muuzikkujoukkoloin
pajoloigi.
– Yhtytgo toizih projektoih?
– Nygöi soitan kandelehel
Volšebnaja mel'nitsa Sampo
(Kummalline Sampo-melliččy)
-spektaklis (Teatrium na Serpuhovke
-teatru, toim.). Spektaklis,
kudai omistettih Kalevalaeeposale, kerrotah, ku kandeleh
on voinii vastah, ku se pelastau
muailmua. Spektaklis jouhikol
soittau Aleksandr Dobrinin,
häigi pajattau karjalakse spektaklin
allus.
– Mennyt kezäl olit ekspeditsies
Tverin Karjalas. Mi
oli matkan tarkoituksennu?
– Minä yhtyin etnogruafizeh
ekspeditsieh polgupyöril Tverin
Karjalan Spirovan da sen lähäl
olijoih piirilöih. Matkan aigua
myö ečimmö "šarajevkua" –
muga sanottuu rahvanan soittomeloudiedu.
Ekspeditsii rodih
hyvä – panimmo tallele erilazet
meloudiet. Ekspeditsies oligi
Valentina Nikešičeva, kudai
opastau soittamah balalikal Havu-
stuudies. Matkan aigua tahtoimmo
vastata karjalakse pagizijua
rahvastu, ga emmo vastannuh.
Nygöi himoittau uvvessah
kävvä Tverin Karjalah libo
kävvä Karjalan tazavaldah.
Riya Volkovan ezityksii da vide- Î Îo
loi voibi kaččuo internetas adresil
https://vk.com/riyavolkova libo soundcloud.
com/userin-luserin/tracks.
Pagizutti Elina Potapova